10.10.07

E días máis vaghos aínda

Xa rematou o estío, xa chegou o equinoccio outravolta coa súa correspondente dose de cambios vitais, xa pasamos a tempada de dúbida existencial "non sei se quede ou se marche", e agora, gastando todos os días libres que me quedan antes de... marchar, apurando as últimas pingas do mosto froito da vendima deste domingo (ten que ser hoxe, que logo ferve e o viño do Ulla é para estómagos afoutos), solucionando temiñas pendentes, volvo ao ciberespazo unha miga.

Setembro foi un mes de cambios, de enxalzamento da amizade dende o extremo sur...



... até o corazón mesmo do país (ou incluso fóra).

E, sobre todo, días de reflexión. Eue xa está exercendo a docencia cos cativos da zona cero...



e eu non hei tardar en mudar de póla. Botarei moitas cousas de menos, pero cómpre cambiar. Sempre é bo...

Por certo, xa sei que se nota moito, pero teño xoghete novo e as miñas gadoupas andan experimentando con el. A ver que sae de aquí...

5 comentários:

Sun Iou Miou disse...

Eu tamén teño trebello novo -sen estrear, nin tempo tiven- e síntome coma na primeira comuñón, que desde aquela non tivera outra cámara. Que gana teño de rematar a xeira para fuchicar nela.

Lúa Neghra disse...

Hahaha. Eu, ao non ter comuñón nin confirmación nin sacramento ningún, boto de menos ese gran momento en que che regalan a primeira cámara. A miña penso que chegou aos dezanove anos, ou así, e xa ma escarallou o meu irmán na primeira viaxe que fixo. Pois nada, agardamos trebelladas dende a Aldea das Carrouchas :)

torredebabel disse...

pois para ser novo o aparello, danseche moi ben as imaxens!!! sobre os cambios, o dito: botareite en falta e virei por aquí a refuxiarme ;-)

Sun Iou Miou disse...

Creo que as trebelladas van quedar para min de meu polo de agora, que aínda non reneguei do meu lema: valen máis mil palabras ca unha imaxe, pero visto que as augas do río nunca son as mesmas, non vou xurar agora que non vaia beber nelas.

Anónimo disse...

I'm Glad i came across this website.Added lua-neghra.blogspot.com to my bookmark!